Isa liwat ka enkwentro ang nagluntad sang kahapon sa Barangay Buenavista sa Himamaylan City sa tunga sang army kag New People’s Army.
Ang naka enkwentro sang tropa sang 94th Infantry Battalion amo ang mga rebelde nga nagpalagyo sa nagluntad man nga bayluhanay lupok sa amo nga lugar sang Miyerkyles kun sa diin isa ka NPA member ang napatay.
Sila ang na track sang army sa bulig man snag mga pumuluyo. Na recover sang army sa encounter site ang usa ka M16 rifle, duha ka cal 45 pistol upod sang mga propaganda materials kag iban pa nga dokumento.
Samtang, nakilala naman ang napatay nga NPA member sa enkwentro sang Miyerkules. Siya amo si Anthony Ariola nga miyembro sang Central Negros Command 2.