Handa na ang tanan para sa Lunes sa pag bukas sang 29th Panaad sa Negros Festival.
Mga LGU booths ang naga patuman na sang mga finishing touches bilang pag panghanda sa isa ka semana nga kahiwatan. Ang garden show nga naga salida sang mga flowering plants, herbs, ornamental plants, fruit tree seedlings ang handa naman.
Suno kay Charina Magallanes-Tan, ang Festival Director, may misa las 8 sang aga sa Marso 24 kag pag katapos sini ang blessing sang tagsa ka mga booth sa Panaad sa Negros Festival.
Las 4 naman maga sugod ang programa pag ka hapon. Diri masaksihan ang presentation sang 21 ka Festival Dances kag suno kay Magallanes-Tan sa pinaka una nga tion may half-time show.
Magalawig sang isa ka semana ang Panaad sa Negros Festival nga maga lakip sang performance sang nagkalain-lain nga mga artists. Pahanumdom naman sa publiko sa tunga sang mainit nga panahon nga mag hydrate para malikawan ang epekto sang mataas nga temperatura.