Patay ang 24 anyos nga naga angkas sa motor nga si Julieta Librado samtang pilason naman ang nagadala sini nga si Reymode Avarena matapos matumba ang ila ginasakyan nga motor sang Lunes sa Barangay San Isidro sa Toboso.
Suno sa PNP, pakadto na kun tani sa ila nga trabaho ang duha sang makalapak sa bato ang ila motor gani nadulaan sang kontrol si Avarena kag sila ang natumba.
Patay si Librado nga wala sang suksok nga helmet bangud sang samad sa ulo.
Minor injuries naman ang naangkon ni Avarena nga may suksok sang helmet sang natabo ang aksidente.