Indi maka dali dali sulod sa main gate sang St. Johns Institute. Gina pang isa isa usisa kutob sa mga naga sinulod nga salakyan kag motorsiklo.
Sa sulod may naga bantay man nga pulis.
Ini kasunod sa post sang isa ka netizen nga may username nga Huaming Par nga kun indi pagkakson ukon ipa resignon ang isa ka teacher. Nagpamahog ang amo nga persona nga kun indi makakas ukon mag resign ang manunudlo pang tiruhon niya ang mga estudyante kag mga manunudlo.
Suno sa kay Abraham Ganzon Jr., ang security and safety consultant sang eskwelahan, indi prank ang pagkabig nila sa pamahog. Bisan ano klase nga pamahog ila nga gina seryoso. Iya na nga gin submit sa Anti Cybercrime Division sang PNP ang tanan nga mga ebidensya para makilala ang suspek.
“Para at least mabal-an ta kun diin na halin nga mga messages. Nag heightened na ta sang security measures.” I am planning pa nga by this week mapa Iloilo ko to personlly appear gid dito sa Cybercrime para mapadasig ta ang result.”
Sang Biyernes kanselado ang klase bangud sang bombthreat. Sang Lunes nagpadayon ang exams tubtob kaina. Suno kay Ganzon, may iban nga mga estudyante nga wala nagsulod sa klase pero naga pasalig siya nga hugot ang ila nga pagbanytay.
Suno naman sa kay Police Station 2 officer in charge lt. Jonito pastrana may ginpang deploy na sila nga personnel sa eskwelahan humlain aga tobtob sa dismissal.
“May coordination na ta sa kwan mong, sa regional anti cybercrime unit, nagkadto na kaina sa aton sa police station, in fact ,may nagkadto naman ta sa ila opisina sa nocppo. We are waiting nga i endorse tanan nga dcoument sa ila para ma include man nila sa cyber patrolling”
Wala man gina dula sang security officer nga posible taga hua ming man ang naga pamahog ukon may kaakig lang sa mga taga hua ming. Padayon man ang imbestigasyon sang PNP.