Election Registration Board Hearing ang ginsugdan na subong nga adlaw.
Final nga listahan sang mga botante sa Negros Occidental ang mapat-od sa tunga-tunga nga semana sang Nobyembre.
Padayon ang katapusan nga ERB hearing sa tagsa ka banwa kag siudad karon.
Sa post sang COMELEC NIR padayon ang hearing sa mga lugar sa Negros Occidental, Negros Oriental kag Siquijor.
Suno kay Atty Ian Lee Ananoria ang elections supervisor sang Negros Occidental, pagkatapos na sang ERB hearing mabal-an kun pila gid ang kabilugan nga botante sang Negros Occidental.
Ang final list of voters lakip na ang mga clustering sang mga presinto ang gina paabot.
Ang Negros Occidental nadala sa mga vote rich provinces sang 2022 elections.
Sa pihak nga bahin, klaro ni Ananoria, ang COMELEC en banc amo ang naga desisyon bahin sa pag deklara sang isa ka naga papili nga isa ka nuisance candidate.
Ang disqualification case batuk sa isa ka kandidato bangud nga siya ang ginakabig nuisance ang gina patuhoy sa COMELEC en banc.