Sa June 11 nga report sang Sugar Regulatory Administration, nagdangat na sa 4,800 ka ektariya karon sang katubuhan sa Visayas ang apektado sang Red-Striped Soft Scale Insect ukon RSSI.
Sa June 11 report, nakasaad nga yara na ang RSSI sa accelerated infestation nga phase. Sa sulod lamang sang anum ka adlaw nadugangan sang 2,595 hectares sang katubuhang ang na atake sang RSSI.
May mga nagtuhaw nga bag-o nga hotspots kag ini ang naga lakip sang Mabinay, Himamaylan kag Binalbagan.
Na-record man ang pinaka una nga kaso sang RSSI infestation sa Leyte.
Suno sa SRA ang datus nagapakita sang epekto sang malapnagon kag mas masupog nga monitoring kag reporting sang mga technical personnel sang mga Mill District sa Visayas.
Sa mga hotspots ang Bago ang naga pabilin nga may pinakamalapad nga apektado nga area – 521 hectares.
Nagasunod ang Mabinay sa Negros Oriental, Himamaylan City, Murcia, La Castellana, Binalbagan, Cadiz kag Kabankalan City.
Ang southern Negros Occidental ang nagapabilin nga most critical area of concern kag naga pabilin nga epicenter sang outbreak.
Masobra sa katunga sa 4,800 hectares nga apektado sa Visayas ang gikan sa sini nga area.
Ang Negros Oriental naman ang nag-record sang pinaka alarming nga gin-report nga infestation, ukon may pinakadasig nga expansion rate.
Ang Ilolilo padayon man nga naga record sang bag-o nga mga infestation kag naga lapta sa iban pa gid nga lugar sakop sini.
Sa idalom sang Quick Response to Pest Outbreak project ang SRA ang padayon nga naga distribute sang pesticide supply sa mga Mill Districts Development Councils.
Isa sa major nga innovation kontra RSSI ang pag develop kag mas production sang fungi nga sarang mag infect kag mag control sang pag damo sang peste.
Ang mga sugar leaders padayon nga naga haylo sa mga mangunguma nga gilayon man report sang suspected RSSI infestation.*
[sibwp_form id=1]