Manubo pa sa target ang nabaton sa karon nga application for registion sang Commission on Elections – Negros Occidental.
Sa datus nga ginpa gwa sang COMELEC-Negros Occidental, humalin Pebrero 12 tubtob Abril 10, May 52,665 ka applications nga nabaton ang COMELEC – Negros Occidental. Pero suno kay Elections Supervisor, Ian Lee Ananoria, manubo pa ini para malambot ang tuyo nga 200,000 registrants. Pebrero 12 nagsugod ang registration kag maga tapos tubtob Setyembre 30.
Sumugod Abril 15 patigayunon hearing sang Election Registration Board para sa approval sang sini nga mga application. Kun may opposition man dapat naka file na ini subong nga adlaw. May duha pa gid ka palaabuton nga mga ERB hearings para naman sa masunod nga mga quarter.
Nalakip sa ERB hearing ang pag patuman man sang deactivation ukon pag delist sang mga yadtong wala maka boto sa duha ka sunod-sunod nga piniliay. May mga 7,000 ang iga deativate sa Himamaylan suno kay Ananoria. Suno kay Bacolod Elections Officer Kathrina Trino Cana may masobra sa 24,000 sa Bacolod ang iga delist.. Sarang naman maka register liwat ang mga na-deactivate sa masunod nga quarter suno kay Ananoria.