Mga nagkalabasa nga dokumento, nalakip diri registration forms kag supplies ginatinguhaan sang Comelec nga ma puslan ukon magamit pa.
Ginpangbulad anay sa guwa sang Comelec Office – Bacolod ang mga registration forms, supplies kag iban pa nga dokumento nga nagkalabasa tuga sang pagbaha nga dalan sang pagbubo sang ulan sang Domingo.
Suno kay Bacolod City Election Officer Kathrina Trinio-Caña tinguhaan nila nga ma reconstitute pa ang mga nabasa kag na-damage nga documents.
Kalabanan sa mga naapektuhan nga mga dokumento ang iya sang mga deactivated voters pero tanan nga mga original records ang yara na sa database sang Comelec.
Nakasugilanon naman si Atty. Caña kay Mayor Albee Benitez para sa plano nga makapangita sang lugar nga pwede nila masayluhan.