Shadow

Nagdangat sa P1.2M ang balor sang halit sang sunog sa Binalbagan

Binalbagan BFP photo

Isa ka dako nga sunog ang nag luntad sang Sabado sang gab-i sa dalan San Isidro sa Barangay San Pedro sa banwa sang Binalbagan.

Walo ka mga baligyaan nga himo sa light materials ang gin lamon sang kalayo.

Sa imbestigasyon sang Bureau of Fire Protection, halos karinderia ang mga nasunog kag nag halin man ang kalayo sa isa ka kalan-an.

Suno sa BFP, may gina luto nga pata sa isa ka karinderia kag napabay-an na ini. Nagdako ang kalayo suno sa BFP kag nag lapta sa mga kaiping man nga mga baligyaan.

Alas 11:15 sang gab-i nag luntad ang sunog kag na fireout ini malapit na ala una sang kaagahon suno sa BFP.

Ginabulubanta sang BFP nga naga balor sa 1.2 milyones pesos ang halit nga gin tuga sang kalayo.

Leave a Reply

Your email address will not be published. Required fields are marked *

Secured By miniOrangeSecured By miniOrange