Nagdangat sa 81.3 million pesos ang balor sang humanitarian assistance nga na release sa mga apektado sang bulkan Kanlaon.
Sa report sang Department of Social Welfare and Development Field Office 6 – Western Visayas, as of February 12, 12nn, 81,334,289 pesos ang na release nga assistance gikan sa DSWD, mga local government unit kag mga non government organization.
56.1 million diri ang gikan sa DSWD.
Samtang, as of February 11, 4pm, may 160.4 milion pesos pa nga balor sang relief resources. P500,000 pesos ang standby fund kag 159.9 million pesos naman ang balor sang food kag non food items.
Samtang, suno sa DSWD may 5,636 ka persona ang naga pabilin sa 15 ka mga evacuation center sa karon. 6,789 naman ka persona ang yara sagwa sang evacuation centers.