Nagsaka sa 77.7 million pesos ang balor sang kahalitan nga natuga sang El Nino Phenomenon sa mga pananom sa probinsya.
Kaina sang aga nag-abot ang duha ka mga engineers gikan sa Bureau of Soil and Water Management. Sila ang ginpadala sang Department of Agriculture angut sa request sang probinsya para sa cloudseeding operation.
Suno kay Governor Eugenio Jose Lacson, sa sulod sang tatlo ka adlaw ang personnel sang DA ang maga scan kag pagkatapos sini sila ang maga pa gwa sang recommendation kun bala pwede maka patuman sang cloudseeding.
Suno sa gobernador ang initial nila graph amo nga ang mga panganod yara sa norte nga bahin sang probinsya. Ang mga may kahalitan sa pag mala sang duta naman yara sa sur sang probinsya.
Sa report sang Office of the Provincial Agriculturist, as of March 1, onse ka mga banwa kag siudad sa Sur sang probinsya ang may kahalitan nga nag apekto sang 1,963 ka mga mangunguma. Ang siudad sang Kabankalan ang may pinaka daku gin report nga danyos – 41.7 million pesos. Ang mga irrigated areas naman suno sa gobernador ang wala na apektuhan sang tuman nga kainit. Pero indi naman mga bale wala nga ang kabilugan nga production ang apektado.