Nag dangat na sa 45 ang napatay bangud sang bagyo Odette sa Negros Occidental.
Ini base sa December 24, 12pm nga update sang Provincial Disaster Management Program Division. 17 ang patay gikan sa Sipalay city, 13 naman sa Kabankalan City, 3 sa Moises Padilla, kag tig duha ang na record na patay sa banwa sang Ilog, Cauayan kag Candoni.
Tig isa ang na record napatay sa San Carlos City, Manapla, Bago City, Binalbagan, Isabela kag La Carlota. Napulo naman ang naga pabilin nga missing, anum diri ang gikan sa Sipalay City.
Naglab-ot naman sa 256,831 ang nag kalaguba nga balay sa bilog nga probinsya bangud sang bagyo Odette. 56,674 ang lubos nga naguba kag 200,157naman ang partially damaged.
Samtang, amat-amat ang pagbalik sang supply sang kuryente sa sur sang probinsya. Sa page sang Kabankalan City government, 10 percent sa sakop sang Negros Occidental Electric Cooperative sa siudad ang na energize.
Padayon naman ang pagbaton sang bulig para sa mga nahul-an sang bagyo paagi sa operation center sang probinsya kasubong man sa mga pribado nga mga grupo kag indibidual.