Nagdangat na sa 39 ang cholera cases sang Negros Occidental matapos mag record sang 11 ka dugang nga kaso.
Sa November 12 nga report, 17 ang cholera cases sa Talisay City nga suno sa Provincial Health Office amo ang may pinaka madamo sang kaso nga na record.
Nagsaka man ang kaso sang Silay City nga nagdangat sa 13 cases lakip na ang isa nga napatay.
6 ang cholera case sang EB Magalona, lakip man ang isa nga napatay. Duha ang kaso sa Victorias City, ilakip ang bag-o nga kaso. Nag record man sang cholera case ang Cadiz City.
Sa Bacolod City naman, 21 ang confirmed cholera cases sa siudad sa September 1 to November 12 nga report sang City Health Office. Napulo naman ang Acute Gastroenteritis related deaths.
Suno sa Provincial kag City Health Offices padayon ang investigation sa suspected kag confirmed cases. Amo man ang pag padala sang water samples sa Research Institute for Tropical Medicine gikan sa mga apektado nga Barangay bilang kabahin sang surveillance. Padayon ang kampanya sa pumulyo kasubong man ang disinfection sang mga water sources.