Ginbuksan na kahapon sang Department of Education ang kompetisyon. Masobra sa 10,000 ka mga atleta kag coaches ang nagpakigbahin sa opening ceremony.
Sa una nga adlaw, nakuha sang Bacolod City ang duha ka gold medals para sa secondary level nga long jump event.
Nakuha ni Gem Mark Flores ang una nga medalya sang Bacolod sa secondary men’s category samtang si Aliah Bree Diocson sa women’s category.
Ang duha lunsay mga estudyante sang Romanito Maravilla National High School sa Barangay Estefania.
Gold man ang nakuha ni Rajib Ash Catenza sang Rodolfo Medel Sr. Elementary School sa Barangay Tangub para sa 110 meters hurdles sa elementary level.
Nakuha naman ni Lorraine Ann Bayking sang Dumaguete City ang kampyonato sa girls elementary level nga shot put samtang sa lalaki, si Rail Onn Lusaya naman sang Guihulngan ang nakakuha sang gold medal.
Sa para games, nagapanguna ang probinsya sang Negros Occidental nga may anum ka gold medal, 2 ka silver, kag 3 ka bronze medals.
Bacolod city ang nag-host sang amo nga kompetisyon kaupod ang Department of Education kag magapadayon ini tubtob Marso 7.*
[sibwp_form id=1]