
Lone bidder para sa kontrata sa paghakot sang basura kag pag-manage sang sanitary landfill sang siudad ipaidalom sa post-qualification evaluation.
Naga-isahanon ang IPM-CDC nga bidder para sa ginadihon nga kontrata sang Bacolod LGU sa paghakot sang basura kag pati na sa pag-manage sang sanitary landfill sa Barangay Felisa.
Ginpahayag ni Bacolod Environment and Natural Resources Officer Ma. Fe Trespuentes, magapaidalom pa sa post-qualification evaluation ang bidder antes sang posible nga issuance sang notice of award sang contract.
Kapin sa P304M ang approved budget for the contract para sa hauling sang basura para mapasaka ang kadamuon sang mahakot nga basura sa 400 tons per day.
May P88M naman ang ginpain nga pondo para sa maintenance sang landfill.
Ang kontrata ang sarang ipatuman sa sulod sang 11 ka bulan bangud sang 1-month extension sa serbisyo sang IPM sa sini nga bulan.