Ginatinguhaan man sa karon sang Commission on Human Rights nga ma pangita agudto mauisisa man ang naga isahanon nga nabilin nga himata sang pamilya Fausto sa Himamaylan.
Suno sa pamuno sang CHR nga si Vincent Parra nga naga patigayon man sang moto proprio investigation angut sa pag patay sa mag-asawa nga Rolly kag Emilda Fausto kag duha ka menor de edad nila nga kabataan, luyag niya man kuntani nga makuhaan sang pahayag ang naga isahon nga nabilin nga anak sang mag-asawa.
Pero indi niya ma locate.
Indi man siya ma locate sang PNP suno kay Parra.
Damlag pa ginsiling na sang otoridad nga ila gin-custody ang natungdan para man sa iya nga seguridad.
Suno kay Parra sa iya nga pagbisita sa Brgy Buenavista sa lugar kun sa diin natabo ang pag paniro, Marso 13 sandig sa gin pa record sa barangay, ni Emilda, nga may mga armado nga naka uniporme ang nagsulod sa ila nga balay kag nag pang-ukay sang ila kagamitan.
Marso 18 may mga armado naman nga naka sibilyan nga nagsulod liwat sa ila nga balay kag Mayo 12 naabtan nila nga na-ukay ang ila nga balay.
Nagapabilin nga unidentified ang mga armado.
Hunyo 14 natabo ang pagpaniro nga ginkamatay sang apat ka mga Fausto.
Damlag pa, 15 ka mga katapo sang NPA ang ginatudlo, sandig sa PNP investigation, nga responsable sa krimen.
“Prior sang killing gina sundan na sila siguro sang mga armado ni nga tawo. Kay ang hambal sa blotter walo ka armado. Wala sang nakabutang kun ano nga grupo, basta armed men. Armado nga mga tawo, walo kabilog sang (May) 13 nga naka uniform sang army una niya nga alegasyon. Sang ika duha nga incident may nagsulod naman kuno sa iya nga balay, anum ka tawo nga naka civilian nga nag-ukay”, suno kay Parra.