Shadow

Nag dangat na sa 32 ang nag positibo sa Covid-19 sa Kapitolyo

Sa 19 ka mga empleyado sang Kapitolyo nga nag positibo sa Covid 19 kahapon napulo diri ang gikan sa Procurement Services Depot.

May kinse ka empleyado ang amo nga talatapan.

Suno kay Atty Rayfrando Diaz ang provincial administrator ini sila ang incharge sa pag distribute sang mga supplies gikan sa Department of Budget and Management. Ang isa sa ginalantaw karon sang probinsya amo ang pag review sang standard operating procedure sa pag sanitize sang supplies gikan sa manila bangud indi man lamang paagi sa tawo sarang matabo ang transmission sang virus.

Magluwas sa 19 kahapon may nagdugang nga positibo gikan sa Sangguniang Panlalawigan suno kay diaz. 32 na ang nagpositbo sa virus nga mga empleyado. Pero sa mga close contact sang mga nagpositive nga gin swab, ini sila ang nag negatibo sa virus.

Samtang, naka record ang probinsya sang all time high sa active cases sini.

As of May 4, 5pm sa record sang Provincial Incident Management Team, 2,405 ang active cases sang Negros Occidental. Puno na ang mga quarantine facilities ukon halos nagakapuno, pero suno kay Diaz bisan sa amo nga sitwasyon maayo na lang kay indi ang mga ospital ang naga ka puno.

Leave a Reply

Your email address will not be published. Required fields are marked *

Secured By miniOrangeSecured By miniOrange