Gin pasakaan na sang kaso subong nga adlaw ang barangay kagawad nga si Abby Araneta kag ang iya kaupod nga si Freely Boy Aldas matapos makuhaan kahapon sang 1.3 milyones pesos nga balor sang iligal nga droga sa buybust operation sa Barangay Alijis.
Kaso nga selling kag possession of illegal drugs ang ginpasaka sa kagwad samtang paghupot sang iligal nga droga naman ang ginpasaka batuk sa iya upod. Nagpamalibad na nga mag hatag sang iya nga statement ang naaresto nga barangay kagawad.
Samtang arestado sa buybust operation kagab-i ang numero uno sa Priority Target List Drug Personality sang Silay City nga PNP nga si Celeste Gulmatico, 39 anyos. Dakop man ang iya upod nga si Wynn Aguilar nga isa ka runner suno sa PNP.
Onse ka sachet sang gina suspetsahan shabu ang nakuha sa ila. Ini ginabulubanta naga balor sa masonra 120 mil pesos.