Masobra 32 ektariya nga portion sang nabakal nga duta sang Bacolod LGU sa Brgy. Granada wala nalakip sa listahan sang agrarian reform program.
Enero sang ginpa-verify sang City Legal Office sa Provincial Agrarian Reform Program Office ang portion sang 74 ektariya nga duta sa Barangay Granada nga nabakal sang siudad. Ini sa pihak man sang mga gina-alegar fake news nga nagakwestyon sang nabakal nga propiedad sang siudad.
Sang nagligad lang nga bulan nagpa-file sang reklamo batuk kay Mayor Albee Benitez kag sa 17 ka iban pa ang katapo sang media nga si Roger Ledesma sa Office of the Ombudsman for the Visayas para ma usisa ang gina-alegar overpriced nga pagbakal sang siudad sang propiedad nga iya ginasiling kabahin sang Comprehensive Agrarian Reform Program.
Pero ginkumpirmar ni PARPO Teresita Mabunay sa Digicast Negros nga ang duta nga na-acquire sang Bacolod LGU ang wala nalakip sa CARP coverage. Indi man kabahin sang nabakal nga duta sang siudad ang ginakwestyon nga propiedad. Butang nga para sa alkalde nagapakita lamang nga wala sang basehan ang mga reklamo batuk sa iya kag sa 17 ka iban pa.
Tubtob karon ang alkalde ang wala sang may nabaton nga reklamo ukon kopya man lamang sang dokumento gikan sa Ombudsman may kaangtanan sa pagbakal sang duta sa idalom sang landbanking program sang siudad.