Wala pa man natapos ang 60 day preventive suspension batuk kay barangay 16 Punong Barangay Joseph De Los Santos nagpapanaug na sang rekomendasyon ang Committee on Laws and Ordinance and Good Governance para sa dugang nga 6-months suspension batuk sa iya.
Suno kay Councilor Al Victor Espino ang suspension ang may kaangtanan sa administrative case batuk sa
punong barangay bangud sang unauthorized absences sa session sang barangay council. Ang kaso ang ginpasaka sa iya sang mga barangay kagawad. Natalana naman nga maghatag sang
pahayag ang legal counsel sang punong barangay angut sa panibag-o nga suspension order.
Nagligad lang man nga tuig sang napamatbatan sang separado nga 6 months suspension si De Los Santos may kaangtanan sa kaso nga grave abuse of authority, grave misconduct, serious dishonesty and conduct prejudicial to the best interest of service.
Ini may angut naman sa wala ma release nga pondo para sa honoraria kag sweldo sang mga barangay officials kag workers.