May kapin 3,500 ang job order workers sa Bacolod City. Pero indi malipod nga kadam-an sa ila ang wala makabaton sang sweldo makaligad sang binulan nga trabaho bangud pila sa ila ang wala pa sang appointment letter.
Gani humalin sang nagligad nga semana ginmandu man ni Mayor Albee Benitez nga mapatuman ang ID system para sa mga jo’s agud mapat-ud kun diin sila nga departamento kag kun san-o kutob ang ila kontrata.
Kaina gin-anunsyo sang alkalde nga ila na na-reconcile ang listahan sang mga Jo’s gani ginpaabot nga mabaton na nila ang ila sweldo.
Ginsiling naman sang alkalde nga magapabilin nga indi masweldohan ang kutob sa mga volunteers nga nagserbe man sa siudad sa sulod sang pila ka bulan.
Humalin sang nagligad pa nga semana nga ginatinguhaan sang siudad nga mapangitaan sang paagi nga mabayaran man sila sa ila pag-trabaho sa siudad.