Si Wilfredo Andico gikan pa sa Murcia. Las singko pa lang sang kaagahon nagpila na siya sa gwa sang isa ka emission testing center sa Circumferential Road sa Bacolod. Ulihi na lang siya napahibalo nga ang mga dekarga na lang ang pwede maka pa emission sa mga emission centers.
Wala man sila kuno abe napahibalo nga nag sugod na ini sang Lunes.
Amo man ang natabo sa iya nga abyan…nagpadulong man ini sa emission center kag nagkit-anay na lang si sa motor vehicle inspection center.
Duha lamang sila sa ginatos nga naga pila sa MVIC sa Bredco port. Sa bag-o nga memorandum nga ginpagwa sang Land Transportation Office ang mga motorsiklo, tricycle, sedan, AUV, SUV kag pick up ang dapat sa MVIC na mapa inspect sang salakyan kag mapa emission. Mga dekarga na lang sa emission centers.
Suno sa operations manager sang MVIC Bacolod nga si John Christian Pestano, humalin kahapon naga dagsa ang naga pa inspect kag naga pa emission sa ila kay kahapon nagwa ang mando gikan sa lto.
250 lang ang masarangan nila sa kada adlaw gani may mga numero lang sila nga gina isyu kag ang indi malab-utan priority naman pagka sunod nga adlaw.
Panugyan niya sa publiko para malikawan ang pag dinaguso ukon ang malawig nga paghulat kag para indi na kinahanglan pa mag labay sa fixer, i check ang ila nga facebook page kay yari diri ang link
Kun paano maka rehistro ta nga daan online. Kun online scheduling ikaw ang mapili sang adlaw kag oras nga pagkadto sa MVIC.
Naga pangayo man siya sang malaba nga pasensya sa publiko kay panugod pa lang ini sang paghimo mandatory sang inspeksyon kag emission sa MVIC.