Isa sa karon sa mga anggulo nga gina tutukan sang Victorias PNP sa pag patay sa negosyante kag lider sang Muslim community sa siyudad sang Victorias nga si Iksan Umpar
Amo ang iya sini nabaton nga death threats nagligad nga semana.
Si Umpar ang gin luthang sang martes sa parking area sang city hall sang wala pa makilal-an nga gunman.
Suno kay Lt Col Joseph Fajardo, OIC sang Victorias PNP, ginpahayag sang utod sang biktima nga si Umpar ang nag baton sang pag pamahog nga tumbahon siya sang iya mga naka away sa panahor.
Masami suno sa pulis nga naga hampang sang poker sa Bacolod ang biktima gani ila gina hibalo kun sa diin nga lugar sa Bacolod kag kun sin-o ang iya mga kaupod.
Padayon man nga gina hibalo sang PNP kun may CCTV malapit sa lugar nga nakakuha sang pagpalagyo sang suspek bangud sa guba man ang CCTV sa parking lot kun sa diin natabo ang pag paniro.