Agud matagaan kahigayunan ang mga local music artists ginduso ni Councilor Em Ang sa konseho sang siudad nga matigayon ang isa ka music festival kun diin sarang mag-perform ang mga artist upod sa pila pa ka mga kilala nga performer sa pungsod.
Kasubong sang Coachella Valley Music and Arts Festival kag iban pa nga bantug nga mga music fest tuyo sang pamuno sang Committee on History, Culture and Arts sang konseho nga mapabaskog pa ang turismo kag ekonomiya sang siudad.
Sa ginpatigayon nga public hearing upod man sa mga festival kag event organizers ginduso nga matigayon ang Bacolod Music Festival sa Abril. P1 milyon ang ginalauman nga pondo para sa amo nga kahiwatan.
Yara na sa first reading ang amo nga resolution kag ginalauman ni Ang nga ini ang matigayon antes pa man sang pagsaulog sang Inasal Festival sa bulan sang Mayo.