Ang Guinam-An Waterwalls sa Barangay Buenavista sa banwa sang Murcia ang isa sa paborito nga stop over sang bikers…
Pati na ang Twin Waterfalls sa idalom sini…
Mabudlay lab-uton sang mga salakyan pero gina saka sang mga bikers nga hilig ang magpangita sang trail kag thrill.
Ang Macahill naman sa Barangay Minoyan ang gina saka man sang bikers bisan tuman ka taas. Challenging abe ang trail pasaka diri kag may matahum nga view nga gina tanyag para maka pahuway huway kadali.
Pila lamang ini sa mga rason kun ngaa mas nakilala pa gid ang mga tourist destinations sang Murcia.
Gani kaina pormal na nga gina lunsar ang banwa sang Murcia bilang gateway to bikers adventure.
Suno sa kay Provincial Tourism Officer Jennylind Cordero kabahin ini sang ika 21 nga Provincial Tourism Month Celebration.
Indi ma lipod nga kadamo sang nagaka huyog sa pag bike kag ang ini nga mga bikers amo pa ang naga diskubre sang mga matahom nga mga lugar sa Negros.
Para naman sa tiayon ni Mayor Gerry Rojas nga si Vernie, lalabyan gid man sang bikers ang Murcia kay alagyan ini pakadto sa nagkalain lain nga mga banwa.
Isa pa gid sa mga rason kay ang thrill nga mahatag sang terrain sang banwa sa mga bikers.
Dako man ang pasalamat nila sa bikers nga dako man ang bulig sa turismo kag ekonomiya sa tunga sang pandemic.