Nag-file sang recovery of possession ang pamilya Lizares sa portion sang duta sa daan nga airport sa siudad sang Bacolod.
Ang propiedad ang karon napanag iyahan sang Civil Aviation Authority of the Philippines pinaagi sa expropriation.
Tungod sang land dispute tuyo ni Mayor Albee Benitez nga mag-negotiate upod sa claimant agud nga matigayon ang joint development project sa old airport upod man sa CAAP kag SM Prime Holdings Incorporated.
Sang nagligad lang nga bulan sang ginsuguran sang siudad ang pag construct sang access road sa daan nga airport nga maga angut sang Barangay Tangub kag Barangay Singcang-airport.
Ginsiling ni City Legal Officer Atty. Romeo Carlos Ting, Jr., nga indi ini maapektuhan sa gina-claim nga propiedad sang pamilya Lizares.