Motion for reconsideration sa gin-file nga election protest ni anay Mayor Evelio Leonardia batuk kay Mayor Albee Benitez ang gin-dismiss sang Comelec en Banc.
Kaso ginkabig nga harassment sang spokesperson sang alkalde.
Sa desisyon nga ginpirmahan ni Commissioner George Garcia, insufficient in form and content tungod sang kakulang sang ebidensya ang gin-file nga motion for reconsideration para sa election protest ni anay Mayor Evelio Leonardia bahin sa gina alegar dinayaay, vote buying kag iban pa sang tinalikdan nga May 2022 elections.
Gani gin-affirm sang Comelec en Banc ang nahauna nga desisyon sang Second Division nga i-dismiss ang kaso batuk sa nagdaug nga alkalde.
Ginpahayag ni Punong Barangay Caesar Distrito, spokesperson ni Mayor Benitez nga ang pag-dismiss sang mga election protest sang Comelec patimaan nga ini ang makabig harassment.
Nagapati siya nga ang desisyon sang Comelec ang magadula sa mga pag duha-duha bahin sa kadalag-an sadto ni Benitez batuk kay Leonardia.
Sadto anay nag-file sang petisyon ang mga abugado ni Leonardia nga naga question sa transfer of registration ni Benitez pero ini una na nga ginbasura sang Comelec.