Malapit na ang full recovery sang lalaki nga nahauna nga Mpox patient sang Bacolod.
Ginsiling ni Environment Sanitation Division head Dr. Grace Tan, nagapali na ang mga scabs ukon mga pilas nga tuga sang balatian.
Wala sang local transmission base man sa monitoring sang City Health Office.
Pero magluwas sa una nga kaso sang Mpox duha pa ka mga suspected cases ang gina-monitor karon sang Bacolod CHO.
Ginpahayag ni Tan nga duha sa mga samples nga napadala sa Research Institute for Tropical Medicine, isa diri ang negatibo samtang ang isa ang makabig discarded ukon mahimo contaminated ang test ukon wala nagasanto sa case definition sang testing.
Padayon ang hugot nga panawagan sang CHO sa publiko nga ipabilin ang pagpasiguro sang personal hygiene, pagsunod sa health protocol kag pagpakonsulta agud makasiguro nga matagaan sang gilayon nga atensyon ang makalalaton nga balatian.