Memorandum of undertaking ginakinahanglan para mapatuman ang tax relief sa delinquent real property taxes sa Bacolod sa ini nga tuig.
Napaslawan ang siudad sang nagligad nga tuig sa pagpatuman sang tax relief ordinance para sa mga deliquent real property tax payers.
Gani sa ginpatigayon nga public hearing sa konseho, liwat nga nag ayo ang katapo sang business sector nga kuntani matigayon na nga ma condone ang mga penalties kag surcharges agud matagaan sila sang alibyo sa epekto sang Covid 19 pandemic.
Suno kay Councilor Al Victor Espino, pamuno sang Committee on Laws,Ordinance and Good Government sang konseho, ginakinahanglan na lang ang memorandum of undertaking upod sa mga stakeholders para matigayon ang pagpatuman sang tax relief sa delinquent real property taxes karon nga tuig.
2020 sang una nga napatuman ang tax relief ordinance sa delinquent real property taxes sa siudad.