Patay ang 21 anyos nga sakay sa motor nga si Paulette Garcia samtang pilason naman ang iya upod nga nagadala sang motor nga si Regina Valdez matapos sila mabungguan sang pickup Lunes sang gab-i sa highway sakop sang Brgy Binicuil sa Kabankalan City.
Sa imbestigasyon sang PNP, nagadalagan gikan sur padulong norte nga direksyon sang dalan ang motor sang mga biktima sang mabungguan sang pick up nga gina maneho sang isa ka parish priest sa Ayungon, Negros Oriental.
Suno sa PNP guba ang tail light sang motor amo nga wala ini makita sang pari.
Gindala pa sa ospital ang duha ka biktima pero gindeklarar nga dead on arrival si Garcia. Padayon naman nga gina bulong ang iya upod.
Gindetain man ang pari apang may settlement naman suno sa pulis sa pamilya sang biktima.