Nagtaliwan ang 29-anyos nga lalaki matapos makabunggo ang iya ginamaneho nga motorsiklo sa pader sang eskwelahan sa higad sang highway sakop sang Purok 5, Barangay 2 sa banwa sang Hinoba-an, sadtong Domingo, Oktubre 4.
Ang rider ginkilala kay alyas “Carl”, empleyado sang banwa ka Hinoba-an kag naga-obra bilang driver sang Hinoba-an Municipal Disaster Risk Reduction and Management Office.
Ginsiling ni Police Major Eric Doronila, hepe sang Hinoba-an PNP nga base sa ila imbestigasyon, naglapaw ang biktima sa kurbada nga dalan kag nakabunggo sa pader.
Halin sa isa ka event ang biktima kag naghapit sa restobar antes ini nagpauli.
Malapit na kuntani ang rider sa ila balay sang nagluntad ang insidente.
Nakaangkon ang biktima sang chest injuries.
[sibwp_form id=1]