Patay ang driver sang motorsiklo matapos ini mapilpilan sang nahulog nga container van sang Sabado sang gab-i sa dalan sa Barangay E-lopez sa Silay City.
Ang biktima amo si Johny Aguirre. Sa imbestigasyon sang PNP, ang container van ang gina karga sang truck kag samtang naga dalagan, hinali na lang nga nasangit sa puno sang mangga ang container van gani ini ang natumba.
Didto kag napilpilan si Aguirre nga sakay sa iya motor sa kilid sang truck. Dead on arrival sa ospital si Aguirre.
Nagpalagyo naman ang driver sang truck kag karon yara lang sa Silay PNP ang truck nga iya ginbilin.