Patay ang 32 anyos nga motorcycle rider nga si Jerome Silvestre matapos nakabunggo sa nagaparking nga truck sa kilid sang dalan sa atubang sang planta sang softdrinks sa Mansilingan-Murcia road, Brgy. Mansilingan syudad sang Bacolod alas 11:00 kagab-i.
Papauli na kun tane kagab-i sa Murcia ang biktima sang aksidente nga nabungguan sini ang pang ulihi nga bahin sang truck.
Suno sa kay Captain Elmer Bonilla, hepe sang Bacolod City Police Station 7, nagaparking ang truck agud magkarga sang softdrinks agud ideliver sa isla sang Panay.
nanaog ang driver sang truck agud magpalista sa sulod sang planta para makargahan sang sofdrinks kag ginpabalo nalang sang guwardiya nga may nakabunggo nga motorsiklo sa iya truck.
Temporaryo nga gin detain ang driver sang truck sa custodial facility sang station 7 kag ginahulat ang desisyon sang pamilya sang biktima kun mapasaka sang kaso.