Makita pa sa video nga kuha si Wolf Mendoza ang naga kaya sa dalan nga rider matapos makabungo sa nasugata nga van sa highway sang Brgy. Punta Mesa, banwa sang Manapla, pasado las 3 sang kahapon sang hapon.
Sa unhan makita ang iya naga daba-daba nga motorsiklo.
Ang biktima ginkilala kay Christopher Montebano, 33 anyos samtang ang driver sang van ginkilala sa kay Haresco Darius, 48 anyos lunsay residente sang Victorias City.
Suno sa kay Police Staff Sergeant Ivy Alvarez ang imbestigador sang Manapla PNP, gikan sa norte ang motor kag naghalin naman sa sur ang van.
Suno sa pulis, nag-overtake ang motor sa isa ka truck apang wala na ini nakabalik sa iya nga lane kag nabungo sa van.
Bangud sang impact nagtabog ang driver sang motor kag nagdaba daba ang iya nga motor.
Ginhingagaw pa dala ang biktima sa ospital apang gindeklarar nga dead on arrival.