Patay si Regie Juntarciego, 27-anyos matapos makabunggo sa isa ka Nissan Patrol sa Bangga Tinago, Circumferential Road, Brgy. Alijis siudad sang Bacolod, pasado las 8 kaina sang aga.
Ang driver sang Nissan Patrol ginkilala sa kay Jefferson Lumampao, 36-anyos. Suno sa kay Police Captain Andy Ofalia ang Station Commander sang Police Station 7, gikan sa Brgy. Alijis si Juntarciego kag pakadto ini sa Brgy. Handumanan nga direksyon kung sa diin ini nagatrabaho.
Hinali na lang nga nag u-turn si Lumampao agud magpadulong sa emission center apang nabungguan sang motor ang nawala nga bahin sang salakyan gani nagtabog ang motorcycle rider.
Ginhingagaw pa dala sa ospital ang biktima apang ini ang ginbawian sang kabuhi bangud sang pilas sa ulo.
Ang driver sang salakyan ang gin-detain naman sa Police Station 7.