Patay ang motorcycle rider nga si Teddy Boy Bolves matapos nga nakabunggo sa na aberiya nga truck nga yara sa tunga sang dalan sa siudad sang Sagay.
Nagluntad ang insidente Lunes sang kaagahon sa Purok Cesco, Barangay Rafaela Barrera sa Sagay City.
Base sa imbestigasyon sang PNP, naigo ang ulo sang biktima sa truck kag gilayon nga nabawian sang kabuhi.
Ginkustodiya na sang kapulisan ang truck driver nga si Romel Gaje, 27 anyos kag residente sang Binalbagan, Negros Occidental.