Nagpa gwa na sang ruling ang Commission on Elections en banc sa motion for reconsideration sang kandidato sa pagka gobernador sa Negros Oriental nga si Grego Gaudia nga nagdala sang ngalan nga Ruel Degamo, angut naman sa resolution sang COMELEC Second Division nga nagakabig sa iya bilang isa ka nuisance candidate.
Gin deny sang COMELEC en banc ang MR ni Gaudia. Base sa ruling sang en banc, gin reiterate lang ni Gaudia ang iya assesrtions kag wala ini sang bag-o nga mga ebidensya nga gin pakita para indi siya ikabig nga nuisance candidate.
Si Gaudia ang gin reklamo ni anay Governor Roel Degamo bangud sa iya gin gamit ang pareho nga ngalan sa anay gobernador bisan pa indi man ini matuod niya nga ngalan ini para lang malabugay ang mga botante sadtong May elections.
Siya ang suno sa anay gobernador wala man sang ikasarang para mag padalagan kag iya gina alegar gin gamit lang ini sang iya kasumpong sa pulitika. Ini ang nangin basehan man sa ruling sang COMELEC 2nd Division para ikabig nga nuisance candidate si Gaudia.
Ginpahayag man sang COMELEC en banc nga ang boto nga nakuha ni Gaudia ang makadto kay Degamo. Kun sumahon ang boto sang duha, si Degamo amo ang nag daog sa eleksyon kontra sa naga pungko na sa karon nga gobernador sang probinsya nga si Governor Henry Pryde Teves.