Gin-deny ni Mayor Greg Gasataya ang motion for reconsideration nga gin-file sang gin-dismiss nga maestro sang Bacolod City College angut sa sexual harassment nga reklamo sang isa ka babaye nga estudyante batuk sa iya.
Ang desisyon ang pirmado ni Gasataya sadtong Setyembre 19.
Dugang pa sang alkalde gin deny ang motion for reconsideration bangud sang lack of merit ukon kulang sa ebidensya ang iya nga mga gin patpat nga mga rason sa paghinyo nga mabaliskad ang nangin una nga desisyon.
Gindagdagan sang dismissal from service, perpetual disqualification from public office, forfeiture of retirement benefits kag cancellation of civil service eligibility ang manunudlo sadtong Hulyo 22 sini nga tuig.
Ginpamatbatan siya nga guilty sa grave offense sang pag-request sang sexual favor kabaylo sang passing grade kag favorable academic conditions.
Guilty man siya sa light offenses nga unwelcome inquiries or comments may kaangtanan sa sex life sang isa ka persona, sexual flirtation, advances kag propositions.
Ang BCC ang ginadumala ang lokal nga panguluhan sang Bacolod.