Sa Dominggo Valentines Day, gina paabot nga bangud wala sang opisina ang kadam-an, madamo sang mga ma ginuha kag ma celebrate kaupod sang ila nga mga pamilya kag kahagugma.
Gani subong pa lang nagapanugyan ang deputy for medical sang Bacolod Emeregency Operation Center nga si Dr. Chris Sorongon sa mga luyag magsaulog sang Valentine’s Day nga kun pwede pa lang magtinir na lang sa sulod sang balay para makalikaw nga malatnan sang virus.
Naglibot man kahapon ang Business Permits and Licensing Division sang siudad kaupod ang mga sanitary inspectors para lantawon ang mga motel, inns kag pension house kun nagasunod sila sa minimum health protocols.
Suno kay Sorongon, mas estrikto kag ma id-id nga health measures ang dapat himuon sang ini nga mga establisimiento bangud mahimo nga maglapta ang virus sa sulod sang kwarto kun indi ini matinluan kag ma-disinfect sang maayo.
Nagapanugyan man ang EOC nga maghulat anay sang isa tubtub duha ka oras antes pasudlan sang customer ang kwarto matapos ini nga ma disinfect.
Ang wala nagasunod sang health protocols ang mahimo papanaugan sang notice of violation sang siudad kag pasirad-an.
“Because we wanted them to check on the protocol nga gina obra sang motels as far as infection control is concerned. Ang mga recommendations naton kinanlan may BaCTrac sila, ikaduha kun may magamit sang ila nga rooms dapat every after nga gamit i-disinfect kag kakson tanan nga linens islan bag-o kay may covid mo,” suno Sorongon.
Nagapanugyan man ang Bacolod EOC sa publiko nga likawan anay ang dalagko nga family reunion kag tipon tipon sa pagsaulog sang chinese new year sa Biernes.
Gindugang pa sang EOC nga may 90 karon ka mga bag o nga contact tracers nga ginhatag sa ila sang DILG.
Sila ang nakapaidalum na sa training kag nagaplano man ang EOC nga i deputize sila nga magbulig sa pag inspect sa mga talatapan kag establisimiento komersyal sa bacolod kun ginasunod ang mga health protocols.