Most wanted person sa Negros Oriental patay sa police operation nga ginpatigayon sa manokan ni
Cong. Arnie Teves sa Bayawan City, Negros Oriental.
Patay si Alex Menegos Mayagma matapos gin alegar nga nagbato sa mga pulis sang arestuhon pinaagi sa warrant of arrest sa kaso nga 2 counts of murder kag pagsupak sa Comelec gun ban kaina sang aga sa Barangay Malabugas, Bayawan City Negros Oriental.
Base sa blotter report sang PNP, sang ginkadtuan sang mga pulis, nag gabot sang pusil si Mayagma pero na agaw ini sang mga pulis.
Nagkuha pa gid ang biktma sang isa ka pusil sa iya nga sling bag kag hana na kuntani maniro gani napilitan na ang mga pulis nga tiruhon siya.
Ini tanan ang nakuhaan man sang video pinaagi sa body camera sang mga pulis.
Ginhingagaw pa siya dala sa ospital apang gindeklarar nga dead on arrival.
Suno pa sa report sang PNP ang lugar nga natabuan sang insidente ang manokan ni Cong. Arnolfo Teves kag sa ginpatigayon nga marathon hearing sa senado makapila man ka beses nga nagtuhaw ang ngalan ni Mayagma nga amo ang gina tudlo sa pila ka kaso sang pagpamatay sa Negros Oriental.