Moratorium sa dakpanay e-bike, e-trike kag tricycle ipatuman sa Bacolod asta Mayo 15.
Wala anay sang dinakpanay sang e-bike, e-trike kag tricycle sa mga kabarangayan sa Bacolod samtang ginahulat ang pagpasa sang assessment report sang mga punong barangay kay Mayor Albee Benitez sa Mayo 15.
Ginsiling ni Mayor Albee nga natalana siya nga magapa gwa sang executive order may angut sa pagpatuman sang moratorium. Ini agud nga mabalay ang mga tikang para sa ginadihon nga guidelines sa pag regulate sang colorum nga e-bike, e-trike kag tricycle sa siudad.
Kaupod sa consultative meeting ang mga punong barangay, pamuno sang Land Transportation Office, Bacolod Traffic Authority Office kag si Councilor Al Victor Espino nga pamuno sang Committee on Traffic sang konseho.
Ginklaro sang alkalde nga bisan pa may moratorium sa dakpanay sang colorum, magapadayon ang LTO kag BTAO sa pagpanakop kun nagabyahe na sa mga mayor nga dalanon ang mga e-bike, e-trike kag tricycle.
Nakasaad sa ordinansa ang pagdumili sa ila sa pagbyahe sa mga highway labi na sa mga major road sa Bacolod.