Shadow

Moratorium sa biyahe pa Negros kag pa Panay ginalauman sang DOH nga makapa hagan hagan sang kaso sang Covid-19

Department of Health regional office ang nagalaum nga makabulig panubo sang mga kaso sang Covid-19 sa rehiyon ang ginaduso nga pito ka adlaw nga travel moratorium sa isla sang Panay kag Negros.

Suportado sang DOH ang resolution sang Regional Inter-Agency Task Force nga nagahinyo sang 7 day travel suspension sang mga pumuluyo gikan kag pakadto sa isla sang Panay kag Negros.

Suno kay Dr. Bea Camille Fillaro-Natalaray, kun temporaryo nga mauntat ang pagbiyahe sang mga pumuluyo malikawan ang paglapta sang virus kag mas madasig nga ma-manage sang local government unit.

Pero para sa Metro Bacolod Chamber of Commerce and Industry may disbentaha naman ang travel moratorium sa mga negosyante sa rehiyon.

Suno sa chief executive officer sang MBCCI nga si Frank Carbon, wala sila ginkonsulta sang Regional Inter Agency Task Force against Covid-19 antes ini nagpagwa sang resolusyon.

Secured By miniOrangeSecured By miniOrange