Mangin Lunes tubtob Hwebes na lang ang opisina sa mga talatapan sang DENR.
Nag pagwa sang public advisory ang Department of Environment and Natural Resources – Negros Island and Siquijor Region nga ang ila nga field offices ang maga sunod sa national pilot implementation sang Flexible Work Arrangement sumugod January 5, 2026 tubtob March 27 sini nga tuig.
Sa idalom sang sini nga sistema, gin compress ang work week humalin Lunes tubtob Huwebes, kag ang official working hours mangin 7:00 AM tubtob 7:00 PM.
Gina abisuhan ang mga kliyente kag kutob sa may mga transaksyon sa ila nga opisina nga mag transact lamang sa sini nga mga adlaw kag oras.
Pinaagi sini ginalauman nga maganubo ang ginakonsumo nga kuryente, tubig kag produkto petrolyo sang ila talatapan.
Pero kutob sa mga empleyado nga nagakinahanglan nga mag report on site pito ka beses sa isa ka semana parehos sang animal keeper kag may kasubong nga obligasyon ang indi kabahin sang sini nga adjustment sa oras sang trabaho.*