Personnel sang Molecular Laboratory sang probinsya ang ipaidalom sa training bilang pag panghanda kontra sa monkeypox.
Ini ang isa sa gintalakay sa pagsinapol sang Miyerkules, sang Provincial Infectious Disease Action and Control Council.
Suno kay Provincial Administrator, Rayfrando Diaz, gin-aprobahan na ni Governor Eugenio Lacson ang pag papaidalom sang mga staff sa training labi na bahin sa testing para sa monkeypox.
Ang kinahanglanon suno kay Diaz amo ang pag acquire sang mga test kits para sa monkeypox kag ang pag capacitate sang mga personnel nga naga trabaho sa mga laboratory.
Isa sa gina kabalak-an sang probinsya amo nga madamo sang mga Overseas Flilipino Workers nga mahimo exposed sa monkeypox labi na ang sa South Africa. Rason suno sa Provincial Administrator, nga isa sa maidid nga gina monitor ang movement sang tawo.
May kabudlayan ang pag detect sa monkeypox labi nan nga tatlo ka semana ang incubation sini. Ang mga nag positive mga tatlo man ka semana ang quarantine.
Padayon pa nga ginahulat sang probinsya ang guidelines sa protocol para sa monkeypox.