Bise Alkalde sang banwa sang Moises Padilla ang nag file sang reklamo nga electioneering batuk sa isa ka manunudlo nga naga serbe nga chairperson sang electoral board.
Kahapon, Mayo 6, nag-file sang reklamo sa Office of the Provincial Elections Supervisor – Negros Occidental si Vice Mayor Adrian “Ian” Villaflor batuk sa isa ka manundulo sang Magallon Cadre Elementary School nga naga serbe chairperson sang Electoral Board sa maabot nga piniliay.
Sa interview sang media kay Villaflor nga naga papili bilang alkalde sang banwa, iya ginsiling nga ang natungdan nga manundulo ang nakit-an sang makapila ka beses nga naga upod sa mga sinapol sang family leaders sang iya nga kasumpong sa pulitika.
Sa iya nga verified complaint ginsiling man ni Villaflor nga ang natungdan nga manunudlo ang kilala nga supporter sang pihak nga partido kag naga upod ini sa kampanya kag sa mga caucus sa nag kalain-lain nga mga barangay kag gina gamit ang iya nga position para sa pagboto sang gina tib-ong sini nga kandidato.
Suno kay Villaflor may naga kaigo siya nga ebedensya para sa amo nga reklamo.
Wala labot sa COMELEC, iya man gin copy furnish sang reklamo ang Civil Service Commission kag Department of Education.
Gintinguhaan sang Digicast Negros nga makuhaan sang bahin ang manunudlo. As of press time wala ini maka sabat sa Digicast Negros.
“Ang obra ya nagapanghagad siya sa mga meeting sa mga leaders, may mga picture man ko nga ara sila upod meeting sa coordinators kag family leaders. Upod siya, mismo ga
meeting ara man siya ga upod.
Picture niya nga upod sa pihak nga grupo kag ara man sa family leaders nga meeting sa isa ka balay”, suno kay Villaflor.