Matapos ang viral post parte sa isa ka konduktor sang modernized jeepney nga nagsukot sang dugang nga plete sa isa ka grupo sang mga estudyante tungod iya gina siling ka mga dalagko, nagpagwa naman sang statement ang Land Transportation Office- Negros Island Region.
Suno sa LTO, indi sila magpang duha-duha sa pagpatuman sang maximum penalty sa idalom sang layi nga naga lakip sang suspension ukon permanente nga pagbawi sang lisensya kag pag-sanction sang rehistro sang salakyan bangud sang body shaming, verbal abuse kag bisan ano nga pamaagi sang passenger intimidation.
Ginpadal-an na sang show cause order ang operator sang modernized jeepney bangud sang insidente suno sa LTO.
Gin-suspend naman sang operator ang natungdan nga konduktor.
Suno sa LTO, kuntani magaserbe ini nga warning sa tanan nga drayber, konduktor kag operator nga wala gina tolerate sang LTO ang bisan ano nga sahi sang verbal abuse sa public transportation.
Dugang pa sang LTO, ang modern jeepney ang para paayuhon ang standard sang pag-commute kag indi venue para sa harassment, indi pag respeto kag indi safe nga pag maneho sang salakyan.
[sibwp_form id=1]