Nagpa record sa Police Station 4 ang isa ka driver matapos nga gin haboy sang bato kagab-i ang iya sini ginadala nga modernized jeep sa bangga Escala sa Barangay Estefania.
Suno kay Major Ritchie Gohee, pamuno sang Police Station 4, naga dalagan lang ang jeep nga may mga pasahero pa sang hinali ini gin haboy sang bato.
Wala man makita sang driver ang nangbato suno sa pulis. May crack sa windshield sang jeep bangud sang pag haboy.
Indi pa karon matumod sang Police Station 4 ang rason sang pag haboy apang para kay Major Junji Liba, pamuno sang Bacolod Traffic Authority Office, posible may kaangtanan ini sa pag take over karon sang modernized jeep sa dalanon kag ang pag phase out sa traditional nga mga jeep.