Siudad sang Sagay ang naglunsar sang mobile vaccination para sa mga senior citizen.
Suno sa action officer sang local IATF sang Sagay, dapat sa katapusan nga semana sang Hulyo 40 percent na sang senior citizen ukon mga 6,000 sa 15,000 nga target ang nabakunahan, sandig sa abiso sang Department of Health.
Sa karon mga 2,000 ka senior citizen ang nabakunahan sa Sagay City suno kay Atty Ryan Bonghanoy.
Gani, ginaduso nila sa karon ang pagpabakuna para sa mga senior citizen ukon ang yara sa A2 category.
Suno kay Bonghanoy, mismo ang pamuno sang vaccination team nga si Dr Cyrille Adraneda ang nagduso sang mobile vaccination, kun sa diin mismo ang team ang naga padulong sa barangay para malambot ang vaccinees.
Suno kay Bonghanoy pila sa mga rason amo nga ang kabudlayan sa pagpadulong sa vaccination center, rason nga gin pangitaan sang pamaagi agud nga mangin mas mahapos sa senior citizens kag nangin maayo naman ang resulta.
Wala labot sa mobile vaccination, nagapadayon man ang pagbakuna sa iban pa gid nga vaccination centers sang siudad suno kay Bonghanoy.
“Very overwhelming ang response. Sa Paraiso kagaina daw mga 200. Ika third day na namon subong. (senior citizens lang gina cater sa mobile vaccination sir?) yes ma’am, of course along the way kun may ma defer nga senior citizen kun may mga A3 man nga available gina quick substitution list ta sila na mga vaccinees,” suno kay Bonghanoy.
3
Ginsugdan na ang pagbakuna para sa economic frontliners kaina gamit ang ginbakal nga AstraZeneca vaccines sang Negros Occidental.
Suno kay Provincial Administrator Rayfrando Diaz, target ang 700 ka mga gikan sa power sector kag sugar industry.
Sa ika duha naman nga adlaw sang vaccine roll out sang janssen vaccine, 12,455 ang nabakunahan.
Subong nga adlaw suno kay Diaz padayon ang pagbakuna sang Janssen sa La Carlota City, Himamaylan, Cadiz City, Sipalay City, San Enrique kag Pontevedra.
Sunod nga i-roll out ang Sinovac vaccine kun maubos na ang 70,000 ka dose sang Janssen nga ginalauman naman nga matapos sini nga semana.