Para kay RJ Gargallano, bike is life kag kape is life! Gani sang makita niya online ang konspeto sa Thailand nga may mga naga motor nga naga baligya sang kape napensaran niya nga testingan ini pinaagi naman sa pag bisikleta.
Interes niya ang pag bisikleta sumugod pa sang elementary, hilig niya man ang kape kag may yara siya gani sa kapehan sa Barangay Handumanan sa Bacolod.
Ang duha niya ka mga interes gin dungan niya kag ini ang nangin resulta… mobile kapehan!
Ika tatlo niya pa lang ini nga Sabado sa pagsaka sa Barangay Granada kag nangin maayo ang nangin resulta. Maka paubos man siya sang tubtob 25 ka cups sang kape.
Aga pa siya naga halin sa Handumanan nga may karga nga kape, tubig, takore, cups, kag mini stove.
Isa ka oras niya nga gina bisikleta halin sa Handumanan padulong sa Granada
Sa sini nga tiun sang pandemic napensaran ni RJ ang ini nga konsepto.
Una nangin bike messenger siya sa Pedal Express Bacolod, isa ka sahi sang delivery services kun sa diin sarang ka maka pabakal sang mga kinahanglanon sa mga messenger nila nga naga bisikleta. ila man ini nga konsepto sang iya nga mga abyan.
Sang nagdamo na sila nga messenger, gin testingan niya naman ang mobile nga kapehan.
Na testingan niya naman mag set up sang mobile nga kapehan sa Silay City…
Wala niya gina pensar ang kakapoy kay naga enjoy siya sa iya nga gina himo.
Ang pandamic ang nangin kabanganan kun ngaa naka pamensar sang sini nga mga konsepto si RJ. Para sa iya, may mga bagay nga pwede masabay. May mga butang nga indi makapoy kun imo lang gina enjoy.