Grupo sang Moro National Liberation Front – Sawdara Field Marshall ang maga biya sa Cadiz City pagakatapos sang Ramadan.
Ini base sa ginlagdaan nga kasugtanan sang Sabado sa tunga sang grupo nga gin tiglawas ni Najah Laud, siudad sang Cadiz nga gintiglawas ni City Administrator, Atty Michael Angelo Borromeo kag PPCI nga sister company sang Philippine Bank of Communications nga gin tiglawas ni Julius Munez.
Ginakilala sang MNLF – SFM, nga wala sila sang kinamatarong sa duta nga gina panag-iyahan sang bangko, sa Brgy Tinampa-an kun sa diin sila ang naga tenir kag nagpatindog sang mga infrastructure.
Sila na mismo ang maga kakas sini sa tion nga sila ang magbiya sa lugar.
Ginkasugtan sang grupo nga wala sang aksyon nga ipatuman tubtob nga wala pa natapos ang Ramadan.
Magahatag naman sang bulig pinansyal ang Cadiz City sa ila nga pagbiya kasubong man magahatag sang livelihood assistance santo sa ginatugot sa pagsulundan.
Tinguhaan naman sang PPCI nga maghatag sang bulig sa MNLF-SFM kag sa itugot lamang sang ila nga mga opisyal.
Bilang respeto sa pagtuo sang MNLF-SFM, indi pag gub-on sang PPCI ang mga infrastructure nga ginpatindog sang grupo, magluwas na lamang kun ini ang nagasabad sa ila plano sa duta.